|
У воздвизаемого и накрытого
занавесью Образа Святаго, на аналой
полагается Святой Крест.
Приготовляется святая вода и все
необходимое для окропления ею.
Пред началом
Чинопоследования Архиерей и, аще
потребно будет, Воронежский
губернатор и ваятель образа святаго
глаголят краткое слово. После оных,
при пении тропаря Святому занавесь
снимается.
Протодиакон: Благослови,
Высокопреосвященнейший Владыко!
Архиерей: Благословен Бог наш:
Лик: Аминь.
Священнослужители: Христос
воскресе: трижды
Лик: И сущим во гробех живот
даровав.
Посем: Бог Господь, и
явися нам: со стихи.
Тропарь Святому
Правило веры и образ
кротости, словом и житием пастве твоей,
отче смиренномудре Митрофане, был еси.
Темже и во светлостех святых солнца
светлейше возсиял еси, венцем
нетления и славы украшаемь, моли
Христа Бога стране нашей и граду
твоему в мире спастися.
Слава,
Кондак Святому
Воздержанием тело духу
поработив, душу же равноангельну
сотворив, святительскою одеялся еси
одеждою, яко венец священства: и ныне
всех Владыце предстоя, моли,
всеблаженне Митрофане, умирити и
спасти души наша.
И ныне,
Богородичен
Взбранной Воеводе
победительная, яко избавльшеся от
злых, благодарственная восписуем Ти,
раби Твои, Богородице: но яко имущая
державу непобедимую, от всяких нас бед
свободи, да зовем Ти: радуйся, Невесто
неневестная.
Ектениа: Помилуй нас, Боже:
Архиерей: Услыши ны, Боже:
Лик: Аминь.
Протодиакон: Господу,
помолимся:
Лик: Господи, помилуй.
Архиерей же молитву Святому:
О Всеблагий Господи,
Красото Неизреченная, Милости Бездно,
Мудрости Источниче, благолепно
вселенную всю украсивый и человека на
земли аки царя твари во образ Свой
утвердивый. Ты заповедь нам, еже землю
возделывати дал еси и к тому разум и
смысл в души наша вложил еси.
Прими ныне, Господи, сие рук
наших творение, иже людие
доброхудожнии, от Твоих дарований
таланты своя приемшии, Твоей славе в
благодарение и хвалу смиренно
приносят.
Ты Сам, Владыко, Моисею рабу
Твоему херувимов златых на Ковчеге
Завета изваяти повелел еси и тех
святынею великою нарекл еси.
Ты Сам, Едине Святый, освяти
и ныне изваянный сей образ угодника
Твоего святителя Митрофана
Воронежского чудотворца. Да будет он
памятен и свят рабом Твоим, да вси
взирающии на него просвещения ума
сподобятся и подражателями святых дел
первосвятителя Воронежского
благопоспешно соделаются.
Твое же да славится
всесвятое имя Отца и Сына и Святаго
Духа, ныне и присно и во веки веков.
Аминь.
Лик: Аминь.
Под пение пасхального
тропаря Архиерей кропит священною
водою изваянный Образ, глаголя:
Благословляется и
освящается Образ сей Первосвятителя
Воронежскаго Митрофана благодатию
Пресвятаго Духа, окраплением воды сея
священныя.
Во имя Отца, и Сына, и Святаго
Духа.
Лик: Аминь и Величание
Святому:
Возглас: Премудрость;
Пресвятая Богородице, спаси нас.
Лик: Честнейшую Херувим:
Возглас: Слава Тебе,
Христе Боже:
Лик: Слава, и ныне; Господи,
помилуй: трижды.
Высокопреосвященнейший
Владыко, благослови:
Архиерей: Отпуст с именем
Святаго.
Лик: Аминь. Ис полла эти, Дэспота.
Христос воскресе: трижды. И нам
даровав:
Аще изволит Архиерей, поются
многолетны
Певаемы бывают праздничные
песнопения.
|
